Təcavüzdə ittiham olunan aktyor Tayanç Ayaydın baş rolda çəkildiyi “Ben Leman” serialının heyətindən çıxarılıb.

“unudulmaz.az” xəbər verir ki, bu barədə jurnalist Birsen Altuntaş məlumat yayıb.

Bildirilib ki, “NTC Media” yayım şirkəti aktyorla yollarını ayırıb. 

Serialda Tayançın yerinə “Cərrah Demir”i başqa aktyor canlandıracaq.

Qeyd edək ki, təcavüz qalmaqalı “Ben Leman” serialında Tayançın tərəf müqabili aktrisa Burçin Terzioğlunun da etirazlarına səbəb olub. Belə ki, Burçin təcavüz xəbərlərindən sonra instaqram hesabında paylaşım edərək qadınları həmrəy olmağa çağırıb.