Millimizin baş məşqçisi Fernandu Santuş bugün keçirilən mətbuat konfransında komandaya dəvət etdiyi futbolçuların adlarını açıqlayıb.

“unudulmaz.az” AFFA-ya istinadən portuqaliyalı mütəxəssisin sentyabrın 1-dən təlim-məşq toplanışına başlayacaq heyətə dəvət etdiyi oyunçuların adlarını təqdim edir: 

Qapıçılar: Rza Cəfərov (Neftçi), Şahrudin Məhəmədəliyev (Qarabağ), Aydın Bayramov (Zirə)

Müdafiəçilər: Abbas Hüseynov, Bəhlul Mustafazadə, Elvin Cəfərquliyev, Toral Bayramov ("Qarabağ"), Qismət Alıyev (Zirə), Elvin Bədəlov (Neftçi), Cəlal Hüseynov (Arda, Bolqarıstan), Rəhman Daşdəmirov (Sabah), Anton Krivotsyuk  (Daejeon Hana Siti, Cənubi Koreya), 

Yarımmüdafiəçilər: İsmayıl İbrahimli, Ceyhun Nuriyev (hər iksi Zirə), Səbuhi Abdullazadə (Sumqayıt), Emin Mahmudov (Neftçi), Anatoli Nuriyev (Sabah), Ozan Kökçü (Volendam, Niderland), Şahin Şahniyarov (Qəbələ)

Hücumçular: Xəyal Əliyev (Sabah), Nəriman Axundzadə, Musa Qurbanlı (hər iksi Qarabağ), Renat Dadaşov (Motor, Polşa), Mahir Emreli (Kayzerslautern, Almaniya) 

Qeyd edək ki, Azərbaycan milli komandası D qrupu çərçivəsində sentyabrın 5-də, Bakı vaxtı ilə saat 22:45-də “Lauqardalsvollur” stadionunda İslandiya yığması ilə, sentyabrın 9-da isə saat 20:00-da Tofiq Bəhramov adına Respublika Stadionunda Ukrayna seçməsi ilə qarşılaşacaq.