Xəbər verdiyimiz kimi, Rusiya ordusu avqustun 28-nə keçən gecə Kiyevə genişmiqyaslı zərbə endirib. Hücum nəticəsində 12 nəfər həlak, daha 48 nəfər isə yaralanıb. 

“unudulmaz.az"in məlumatına görə, hücum zamanı Avropa İttifaqının (Aİ) ölkədəki missiyasının binasına da zərər vurulub.

Hadisə ilə bağlı paylaşım edən Ukraynanın xarici işlər naziri Andrey Sibiqa bildirib:

“Gecə həyata keçirilən hücum zamanı Rusiya Vyana konvensiyasını birbaşa pozaraq diplomatları da hədəf alıb. Nəticədə Aİ-nin Ukraynadakı missiyası zərər görüb. Bu, yalnız Aİ tərəfindən deyil, bütün dünya tərəfindən qınanılmalıdır. Aİ-dən olan həmkarımızla həmrəy olduğumuzu bildiririk və yardım etməyə hazırıq”.