Məşhur türk müğənni Özcan Dənizin böyük qardaşı Ercan Dənizlə yaşadığı qalmaqal bitmək bilmir. 

“unudulmaz.az” Türkiyə mediasına istinadən xəbər verir ki, Dəniz silahla qardaşının evinə girərək ona hədə-qorxu gəlib.

İddiaya görə, müğənninin Zekeriyaköydəki evinə silahla basqın edən qardaşı “məndən oğurladığını mənə verməsən, səni də, özümü də öldürəcəm” deyərək onu hədələyib.

Qeyd edək ki, qardaşlar  arasındakı gərginliyin səbəbi Özcan Dənizin illər əvvəl Ercan Dənizin götürdüyü kreditlərə zamin durması, lakin borclar ödənilmədiyindən sənətçinin bütün var-dövlətinə, bank hesablarına həbs qoyulmasıdır.