İranın Bəndər Abbas şəhərində limanda baş verən yanğın yenidən alovlanıb.

“unudulmaz.az” yerli mətbuata istinadən xəbər verir ki, bunu Hörmüzqan əyalətinin qubernatoru yanında fövqəladə halların idarə edilməsi şöbəsinin rəhbəri Mehrdad Həsən-zadə bildirib.

“Bəzi konteynerlərdə olan bitum və kimyəvi maddələr limanın şərq hissəsində ikinci yanğına səbəb olub”, - İran rəsmisi bildirib.

Qeyd edək ki, aprelin 27-də səhər saatlarında İran Daxili İşlər Nazirliyi yanğının artıq 80 faizinin söndürüldüyünü bildirib.

Onu da əlavə edək ki, hadisə nəticəsində ölənlərin sayı 36-a çatıb.

***

Hörmüzqan əyalətinin qubernatoru Məhəmməd Aşuri bildirib ki, partlayış nəticəsində ölənlərin sayı 40-a çatıb.