“Ermənistan və Azərbaycan arasında əldə olunan bir sıra razılaşmalar, eləcə də Azərbaycan və ABŞ arasındakı razılaşma region üçün çox müsbət mənzərə yaradıb”.

“unudulmaz.az” xəbər verir ki, bunu Türkiyənin xarici işlər naziri Hakan Fidan TGRT-yə müsahibəsində bildirib.

Onun sözlərinə görə, rəsmi Bakı ilə Ankara arasındakı məsləhətləşmələr bu istiqamətdə irəliləyişin əldə edilməsinə yardımçı olub.

“Prezidentimizin və bizim tutduğumuz mövqe etimada əsaslanır. Biz azərbaycanlı bacı və qardaşlarımıza güvənirik, sıx əməkdaşlığımız var. Oradakı həmkarlarımız çox bacarıqlı insanlardır”, - deyə Fidan qeyd edib.

XİN rəhbəri Paşinyanın mövqeyini və siyasi riskə getməsini də təqdirəlayiq hesab edib.